مخطوبة وبغير على واحد تاني
goodfreephotos.com

مخطوبة لكن بغير على واحد تاني

فى نفس الوقت مش قادره احب خطيبي ولا حتى اتقبله. بافكر في زميلي ده كتير جداً، ومش قادرة اتخيل حياتى من غيره، لدرجة إنى فكرت افسخ خطوبتي عشان ارجع اكلمه تاني.

هاى مروه

أنا اتخطبت من ٣ شهور لواحد اتقدملي ووافقت عليه عشان أسباب كتير، منها أن سني كبر وأنه مناسب وشخص محترم.

كان ليا زميل فى الشغل أصغر مني ب ٨ سنين؛ كنت واخده عليه أوي أوي وبحبه جداً – بس حب أخوي مش أكتر. بعد خطوبتي هو بدأ يبعد عشان شايف أني، بمرور الوقت، هانشغل بخطيبى وابعد فهو سبق بحاجة زى كده.

أنا كنت باكلمه عشان أطمن عليه واساله ليه بيبعد عني. قال لي

أصلي حطيت نفسي مكان خطيبك ولقيت أن مش هينفع نتكلم زى ما كنا

احترمت وجهة نظره جداً، بس في نفس الوقت باغير عليه جداً جداً جداً لما أشوفه بيكلم أى واحدة.

فى نفس الوقت مش قادرة أحب خطيبى ولا حتى اتقبله. بافكر في زميلي ده كتير جداً، ومش قادره اتخيل حياتى من غيره، لدرجة أني فكرت افسخ خطوبتي عشان ارجع اكلمه تاني.

أهلاً بكِ عزيزتي المرتبكة،

صاحب بالين كذاب وأسوأ الكذب هو الكذب على النفس؛ حل مشكلتك هو الصدق!

صدقك سينجيك من زواج فاشل، ومن ظلم إنسان لا ذنب له، ومن ضياع سنوات عمرك في الحزن والندم أو الحسرة والألم.

أولاً: “سنك كبر” قد يكون سبباً لزواجك – ولكنه ليس ضماناً لزواج سعيد أو حياة مستقرة.

بالعكس، تفكيرك بأن”سنك كبر” قد يدفعك للزواج بدون اقتناع، وبدون قبول، وبدون حب، وبدون مشاركة، وبدون احترام، وبدون نية حقيقية في بناء أسرة مع هذا الشخص.

ثانياً: أنتِ تتعاملين مع خطيبك على أنه مخرج من مأزق وميسر لعملية الزواج والإنجاب، وليس كشريك فعلي تتوقين للإنجاب منه ولإكمال العمر معه. هذا ظلم له ولكِ.

ثلاثاً:

أشعر أن إشعال نار الغيرة بقلب صديقك الصغير كانت من ضمن دوافعك لإتمام هذه الخطوبة!

هل أردت أن تشعريه بالفقد؟ هل أردت أن تدفعيه للاعتراف بحبك؟ هل طبقتي معه استراتيجية البنات المعروفة باسم “متقدملي عريس”؟

لقد تلاعبتِ بمصيرك وورطتي رجلاً لا ذنب له في لعبتك. على عكس توقعاتك، الخطوة التي أخذها حبيبك كانت الابتعاد في صمت احتراماً لكِ ولارتباطك.

رابعاً: لقد قلتِ صراحةً أنك غير قادرة على حب خطيبك، وأنك فكرتِ بفسخ الخطوبة ليعود لك زميلك.

ماذا ستفعلين لو فسخت الخطوبة ولم يعد لك زميلك؟

ماذا تفعلين لو عاد ثم ترككِ ليرتبط فتاة أخرى؟

ماذا تفعلين لو عاد ولم يفصح لك عن حبه؟

ماذا لو عاد وصارحك أن أهله لن يقبلوا بفارق السن بينكما؟

سبب أسئلتي هو أن أؤكد عليك:

ألا تكرري نفس الخطأ وتتسرعي بالدخول في علاقة وأنت قلبك معلق بشخص آخر

الأسوأ من هذا هو الخطوبة والزواج بدون وجود الرغبة الحقيقية في الارتباط بهذا الشخص – أياً كان!

ردي هذا ليس تشجيع لكِ على ترك خطيبك؛ قد يكون خطيبك رجلاً بمعنى الكلمة وإنسان جدير بالحب والاحترام، ولكن كلامي لا قيمة له إذا لم يستطع عقلك إدراك مزايا وعيوب هذا الرجل وتقييم اختيارك بصورة موضوعية.

سبب الارتباط كارثة ووجود شخص آخر بقلبك مصيبة.

نصيحتي لكِ: كوني صادقة مع نفسك ولا تظلميها أو تظلمي أحداً معكِ.

هل وجدت هذه المادة مفيدة؟

اترك تعليقاً

آخر التعليقات (13)

  1. نفس اللى انا فيه بس مفيش فرق…
    نفس اللى انا فيه بس مفيش فرق سن مابينا وهو هيتجوز بنت عمه عشان هى دى تقاليدهم

  2. دا تخلف وحرام التقاليد إذا…
    دا تخلف وحرام التقاليد إذا منعت الحلال فهي بالأصل حرام لازم يتجوز اللي هو عايزها الدين قال كدا وكل شئ بالخناق إلا الزواج بالإتفاق يعني لا يجوز إجباره على الزواج من إمرأه بعينها لازم هو يختار بمزاجه وبرضو هي ليها الحق في القبول أو الرفض

  3. مش قادرة تشوفى مزايا خطيبك…
    مش قادرة تشوفى مزايا خطيبك وحد تانى فى قلبك لازم تسيبى خطيبك سنك كبر ده مش دافع للزواج وانك لاتتزوجى افضل من الزواج من شخص لا تحبيه فكى خطوبتك اولا واعيدى حساباتك ولو رجعتى تتكلمى مع الشاب اللى يصغرك ب٨ سنين انتى شايفة نهاية العلاقة آية ؟؟ مينفعش نبفى عايشين مشاعرنا بتوجهنا لازم نقف نقيم الامور ونفكر فى الخطوة الجاية هو ممكن يتكلم معاكى ويتسلى وبعد كده يخطب غيرك حاسه بتحبيه طيب والخطوة اللى بعد الحب هاتضيعى عمرك ؟ ولا تنتظرى يخطب واحدة غيرك
    متمكليش مع شخص انتى مش بتحبيه ومتدخليش علاقة بلاهدف مشاعر بتحركنا وخلاص
    وربنا يوفقك

  4. انا عندي 22 سنة وماشي في 23…
    انا عندي 22 سنة وماشي في 23 انا من فترة الاعدادي كنت بحب بنت من رغم انها مكنتش بتحب تبصلي اصلا هههه المهم اني كنت بشوف فيها انها زي كا اسلوب وحجات زي بعض وكان دي حاجه بتسعدني إلي حد ما بس مكنش في كلام بينا اكتشفت أنها بتحب حد زميلي وهو بيكلمها حسيت احساس وحش اوى ومش عارف انسها وبعدين صاحبي ده ارتبط بي حد تاني وتالت وهي لسه عاوزه تكلموا حاولت اتواصل مع البنت دي اللي انا بحبها واقولها اني بحبها و صاحبي ده مش بيحبك وصدقيني وكلام كتير انها تقتنع مافيش فايده وقالتي لق انت بتوقع بينا قولتلها خلاص براحتك
    وبعدين رجعت ابعت رسايل ليه اني افتح مجال معها مافيش برضو من الاعدادي لحد ما خلصت دبلوم بفكر فيها بس هي مطنشه خلاص خت قرار اني ابعد وخلاص مافيش فايده
    قلبي مال لحد تاني وتالت وبدأت احس اني مش عارف هل ده حب ولا ايه دماغي وقفت من كتر التفكير في الموضوع ده بس مكنش عندي الشجاعة اني اتكلم مع حد من دول واقول اني بحبها وهكذا يعني
    جه وقت علي خت في قرار اني لازم اتكلم مع البنت التانيه دي واقولها بي المناسبة انهي صحبت اختي البنت دي زي الاقمر ههههه بجد والله المهم رايح علشان أقوله اني بحبها وعايز ارتبط بيكي وكده ماعرفتش جبت رقمه من موبايل اختي وبعت رساله على الواتس واتكلمت معها وقولتلها اني بحبها وهكذا وعايز ارتبط بيكي
    رادت وقالتي انت مين قولتلها انا احمد اخو…. المهم عرفتني وقامت عاملة بلوك ??‍♂️ جيت خت جمب منها وهي بتيجي عندنا البيت فتره مش كبيره
    وبعدين حصل كلام تاني وهي ماتكلمتش في الموضوع ولا قالت حصل منك ولا انا اتكلمت وبعدين خدنا ع بعض وهزار وصور وكلام من ده حسيت انها بتقرب مني وحبتها اكتر جيت وانا بتكلم معها عادي بقولها ماتزعليش مني ع الرساله اللي بعتها ليكي وحقك عليا واعتذرت علشان حسيت انها لو زعلانه من ده فا انا باامسح ده بايدي المهم قالتي ماشي مافيش حاجه
    واحنا قاعدين انا عارف الايمل بتاعه عملت ان الايميل بتاعه قابلني وكده فابعت طلب صداقة ليها وهي جمبي شافت ايميلي داخلت ع الاكونت بتاعي وشويه لقيت الطلب اترفض كان بنسبه لي صدمة كبيرة جدا طب منين بتحاول تقرب ومنين رفضت الطلب طب ت تقابلني عادي ولا اكن في حاجه
    وبعدين جالي رساله من البنت بتاع الاعدادي اول وحدة خالص بتقولي ازيك يا احمد وعامل ايه ?
    انا كنت في الشغل في الوقت ده وكان النت ضعيف جدا فا انا خايف انها ماتكنش هي وانها تكون حد من صحابي وكده الشباب اللي بتقراء البوست هتفهم ?
    فا قولتلها انا الحمدلله بخير بس
    انا مش عارف افتح الصفحه بتاعته علشان النت ضعيف فا مش عارف هي ولا لق
    المهم روحت البيت وعرفت انها هي فعلا
    اتكلمنا لحد الساعه اتنين وكلام كله ع الفترة اللي فاتت الصبح صحيت اتكلمنا كله ده رسايل بس فا طلبت منها رقم الموبايل علشان نتكلم قالتلي انا خايفه وكلام من دا طمنتها لحد ما خت الرقم اتكلمنا حبتها اكتر من الاول هي بدات تحبني شهر ونص من فترت ما اتكلمنا روحت خطبتها ??♥
    فا بعدين بقت جزء من حياتي ارتبطنا بعض بطريقه غبيه اووي ?
    وحدة وحدة حسيت اني لم بقابل البنت التانيه دي في الشارع او اي مكان قلبي بيتشد ليها كده رغم اني بحب خطبتي اووي بس مش عارف ليه شغلني اووي بس مش عارف ليه بيحصل كده عقلي رافض كده وقلبي مايل ليه شويه
    بس والله العظيم بحب خطبتي اووي
    شكرا ?

  5. انا كنت مرتبطه بواحد بصل حصل…
    انا كنت مرتبطه بواحد بصل حصل مشاكل كتيراوي وانفصالنا كتير ورجعنا بس انا مبقاش في حاجه ليه من تحيتي مبقتش بحبه وبعامله ببرود بس جيه واحد انا حبيته جامد واداني اهتمام وحببني ف نفسي وبعدت عن التاني. وخايفه. زي م سبت التاني يقوم ده يسبني بس انا والله مكنش قاصدي اجرحه والله ولا عمري عملت حاجه وحشه ارجوا الرد عليا

  6. مرحباً عزيزتي/
    نتفهم مشاعرك…

    مرحباً عزيزتي/
    نتفهم مشاعرك وندعوكِ ألا تقسو على نفسك، فمرورك بمراحل مختلفة من حياتك يدفعك لإعادة النظر في اختياراتك عامةً، فتفضيلك لشريك آخر خلال هذه المرحلة أمر طبيعي تماماً.
    أما عن علاقتك بالشخص السابق فقد كانت مجرد تجربة لكما لتقييم علاقتكما معاً، وهذه التجربة انتهت بقرار الانفصال، لذلك لا تحملي نفسك ذنباً دون داعي، فسيتمكن هذا الشخص من تجاوز التجربة والبدء من جديد.
    أنصحك بنسيان الأمر والتركيز على علاقتك بالشخص الحالي، ولكن إذا شعرتِ في لحظة بأنك أخطأتِ في حق شريكك السابق يمكنك الاتصال به وسؤاله كي يطمئن قلبك.

    نتمنى لكِ حياة سعيدة

  7. انا اتخطبت لواحد جيرانا وانا…
    انا اتخطبت لواحد جيرانا وانا عندي 15 سنه وبعد الخطوبه عرفت ان هو شخص خائن وكذاب بس ما كنتش عايزه افشكل خطوبه علشان ما بحبش اجرح احد وبعد اربع شهور هو فشكل الخطوبه علشان يخطب لواحده ثانيه وسبني من غير سبب مع اني كنت متعلقه به جدا وبعد فتره انا اشتغلت وبدات احس ان انا معجبه بصاحب الشغل ده وبعد فتره خطيبي الاولاني ده رجع ثاني وانا وافقت عليه علشان ما كنتش عايزه اعلق نفسي بصاحب الشغل عشان ممكن يكون حب من طرف واحد وبعد شهر عرفت ان انا باحب فعلا صاحب الشغل ده ومش طايقه خطيبي وكمان مش هينفع افشكل وانا مش عايزه اظلمه انا مش عارفه اعمل ايه مع ان هو ظلمني من بدايه بس انا مش عايزه اظلم و فرحي خلاص قرب وانا مدمره نفسيا انا بصراحه معترفتش لصاحبك شغل ان انا بحبه بس انا حاسه ان هو بيحبني هو شخص متدين ومحترم وما ينفعش ان انا اكلمه وانا مخطوبه لحد ثاني اعمل ايه ارجو الرد

    1. أهلاً بك/
      أنت لست في وضع…

      أهلاً بك/
      أنت لست في وضع مقايضة فتودين أن تتؤكي خطيبك ولكن تريدين أن تضمني وجود خطيب أخر أو حبيب أخر، أنصحك بالإبتعاد عن خطييبك فمن قام بالكذب والخداع مرة من الممكن أن يقوم بهما مرة أخرى إلا أن اعتذر عن ما سبق وشرح لك أسباب مقنعة ولكن تبقى المشكلة الأساسية أنك لا تحبينه ومعجبة بمديرك في العمل، ودخولك كل هذه التجارب من سن صغير قد تدل على رغبتك دائماً بوجود من يقدم لك المشاعر العاطفية حتى لو لم تكن صادقة. لا تتزوجي من خطيبك ولا تذهبي لمصارحة مديرك أقضي بعض الوقت كعزباء تعرفي على نفسك وما تريدينه بحياتك وعملك ومستقبلك بعيداً عن تأثيرات الزواج والرجال فحينها ستطستطيعين اتخاذ القرار الصائب فيما يخص علاقاتك.

  8. عندى سؤال وياريت حد يرد عليا…
    عندى سؤال وياريت حد يرد عليا فى اقرب وقت بالله عليكو
    (زميلى بيحب واحده زميلتنا وهى كمان بتحبو فى القسم من سنه اولى لبدايه تالته وهو من بدايه حبهم واخد الموضوع جدى وكلم اهلو وبيكون نفسو من شقه و شبكه و بيشتغل ليل نهار فى الاجازه ولاكن فى بدايه سنه تالته هى اتخطبت لابن خالتها وهى بتقول لزميلها انها مش عاوزاه مع ان كان بإيديها الرفض لاكن هى وافقت وزميلى دخل فى حاله حزن واكتأب بسبب اللى عملتو هى ومش مديه مساحه لخطبها انو بتكلم معاه وما زالت بتكلم زميلها وهو مستحرم انو بكلمها مع انو بيحبها) المضمون انا عاوزه اساعد زميلى وعاوزه اخلي يبعد عنها لانها معشماه على الفاضى انا مش بكرها والله وميجيش فى دماغكو انى بحبو والله انا مش بحب انا بعتبرو واخويا وحسه انها هتوديه فى طريق وحش وهى كمان غلط اللى بتعملو ساعدوني وادونى نصيحه اقنع بيها زميلى انو يشوف حياتو ويبعد عنها عشان حرام ولو ربنا شاء هتكون من نصيبو هتكون

    1. أهلاً بك/
      لا يوجد شك في نيتك…

      أهلاً بك/
      لا يوجد شك في نيتك الطيبة لسماعدة صديقم ولكن دور الصديق هو تقديم الدعم النفسي لصديقه وأن يكون جواره في أزماته دون إقناعه بقرار معين لأن هذا وحده يرجع للشخص بشأن إتخاذ قراراته.

  9. عندي سؤال احب شخص يكبرني 11سنه اعترفتلع من زمان بس كال لا وما اقدر بعد سنتين نتواصل ندردش بعدين خطب وقبل فتره قصيره حكالي انو راح يفسخ لان صارت شوي مشاكل انصدمت ليش يكله حسيته يحبني ودائما يسأل عني واهتمامه الي ما اعرف حيره اوي ارجو الرد

  10. السلام عليكم ، عمري 24 تمت خطبتي منذ شهر ،وهذا الشخص لا اعرفه وهو انسان طيب ومتخلق وأكبر مني ب10سنوات،اعجبني تفكيره لأنه شخص كبير وواعي ،ولكن المشكل انني لم أستطع تقبله مع العلم عندما قمت بالرؤية الشرعية كانت هناك راحة نسبية جهة خطيبي وكنت احاول ان أصلي صلاة الاستخارة لأكثر من مرة ولكن حدث ما لم يكن في الحسبان،، في الغد بعد يوم الرؤية الشرعية اتصل والدي بعائلة خطيبي وأخبرهم انني موافقة صحيح انني تفاجأت لسرعة الامر لم استوعب شيء وفي نفس الوقت لا لازم ابي لانه تحدث مع امي وأخبرته انني مرتاحة نسبيا ،،،والمشكلة الأكبر انني احب شخص آخر ودائما افكر فيه وهو أيضا يحبني وعندما علم انني اتخطبت تحطم وأخبرته انني لست مقتنعة واريد ان افسخ خطبتي طلب مني أن أسرع فهو كان يخطط للتقدم لخطبتي هذا الشهر ولكن حدث ما حدث وانا الان محطمة لأنني لا أريد خطيبي رغم محاسنه الا اني لم أستطع تقبله وفي نفس الوقت لا أريد أن اظلمه أو اظلم نفسي و الشي الذي يخنقني لا أريد إحراج عائلتي فأنا من عائلة محترمة ومتحفظة اطلب المساعدة، كيف اصارح خطيبي باني اريد فسخ الخطوبة مع العلم انه كل يوم يتعلق بي اكثر ،،،،وأيضا اخي الأكبر عندما علم ان ابي أعطى الاجابة لبيت خطيبي وأخبرهم بالموافقة اخي الأكبر لم يعجبه الأمر وكل شيء حدث بسرعة واخي طوال هذا الشهر لا يتحدث معي ولا ينظر في وجهي بالرغم انني لم أقم بأي شي خاطئ لكنه أصبح معاديا لي ظنا منه انني موافقة كما اخبرتكم سبب خطبتي كان تسرع في الامور كان من المفروض أن افكر لمدة أسبوع لكن عائلتي غير هو واعطو الاجابة في 24ساعة ارجو من المساعدة لا أريد ظلم أحد ارجوووكم كل يوم ابكي لا أعلم ما العمل

    1. مرحباً عزيزتي/
      اختيار الشريك حق من حقوقك التي يكفلها لك القانون فلا تتنازلي عنها.
      تحدثي بهدوء مع خطيبك الحالي وأخبريه أنك لا تودين الاستمرار في هذه العلاقة، سيزعجه ذلك قليلاً لكن ألم إنهاء علاقة أقل بكثير من الألم الذي سيعانيه في حالة زواجك منه وأنت لا تحبينه.
      أنت تستحقين علاقة مريحة وكذلك هو فربما الانفصال هو الخيار الامثل للطرفين.
      استعيني بأخوكي كمصدر للدعم في إقناع والديك وأبقي على تواصل مع حبيبك واطلبي منه أخذ خطوات جادة تجاه علاقتكما.
      نتمنى لك التوفيق

الحب ثقافة

مشروع الحب ثقافة يهدف لنقاش مواضيع عن الصحة الجنسية والإنجابية والعلاقات