قهوة حب صداقة
Flickr

كنا أصحاب فقط ثم خطبنا: مش قادر أنسى ماضيها

ألّفه مروة رخا الأربعاء, 07/01/2015 - 01:32 م
فى البداية كنا أصحاب واصدقاء، وبدأ الحب من طرف واحد من ناحيتي أنا بس. حاولت المح لها كثير، بس هي ما كانت حاسة من ناحيتي غير الصداقة فقط. وفى خلال الفترة دي ارتبطت اكثر من مرة، وفضلت علاقتنا صداقة، لغاية لما جيت فى مرة وصارحتها عن مشاعري بعد ما هي انفصلت عن علاقة كانت فيها.
 قالت ساعتها انها مش حاسة من ناحيتي بمشاعر وأنني مجرد صديق وكلام من هذا النوع. ارتبطت بعدها بشخص ثاني، ولما سابته حصل اننا اتقابلنا ولقيتها بتفتح الموضوع تاني، وفكرتنى بكلامي لها لما صارحتها.

وفى الوقت ده عرفت انها مش "فيرجن"، وانها عملت علاقات جنسية مع الناس اللى ارتبطت بيهم، وما كانش فى دماغي أي شيء ساعتها لأن بالنسبة لي الموضوع كان قد انتهى.

المهم اللي حصل اننا ارتبطنا، وهي اللي صارحتنى انها كانت غلطانة وانها بتحبني. دخلنا فى علاقة ناجحة جنسياً وعاطفياً، واتخطبنا وقربنا نتجوز.

بس انا طول الوقت عندى شك ومتردد في اللي قبل كده، لانى طول فترة انتظاري لها، وهي تخرج من علاقة وتدخل فى علاقة وفجأة اكتشفت حبي ليها.

والمشكلة ان انا ما ليش علاقات قبل كده، ودخولها في علاقات عمل لي ازمة. هل كان لازم أرتبط بواحدة ما لهاش علاقات؟

هل كان ينبغي أن ادخل انا فى علاقات زيها وساعتها مش هيبقى عندي مشكلة لأننا زي بعض؟ ومحتار مش عارف انا بفكر صح ولا ده تفكير غلط ؟!
 عزيزي الحائر لقد تأخرت!
كنت أتمنى أن تسأل نفسك هذه الأسئلة قبل خطوة الخطوبة والاستعداد للزواج! من حقك أن تقبل أو أن ترفض أي شيء يخص فتاة سوف ترتبط بها، ومن حق الفتاة كذلك أن تحدد ما تقبل أو ما ترفض في شخص سوف يصير زوجها! المشكلة الآن أن الموضوع أخذ صورة رسمية وأن هناك أطراف أخرى سوف تتأثر حياتهم بقرار الانفصال – لهذا أول نصيحة لك هي التروي! السؤال الآن: هل هي تحبك حقاً أو هل أنت مجرد آخر أمل لها في الزواج والاستقرار؟  العلاقات السابقة لا يجب أن تشكل أي تهديد بالنسبة لك لأنها اليوم معك أنت وحدك وبالزواج تتعهد أنها لن تكون لأحد غيرك!  واليوم، إذا تركتها، بمن ستتزوج؟ بفتاة ليس لها علاقات سابقة؟ في هذه الحالة سوف ينتفي منطق العدل الذي تتحدث عنه. هل ستتزوج بفتاة أخرى لأن ليس لها علاقات سابقة؟ خطيبتك أولى بذلك! الفيصل في موضوعك هو إجابة هذا السؤال: لماذا تتزوجك؟ نصيحتي لك أن تقابلها في مكان يمكنكما الحديث فيه بهدوء وتسألها عن سبب قبولها الزواج منك، واسألها إذا كانت تحبك، واسألها إذا كانت تريدك أباً لأطفالها، وانظر في وجهها جيداً وانت تسألها وانظر في عينيها وهي تجيبك.  سوف تعرف مدى صدقها ومدى حبها، ومصير علاقتكما في هذه اللحظة. تذكر أن اليوم أنت "ذو خبرة" مثلها وأن ما يصير عليها يصير عليك! إذا كانت حقاً تحبك وإذا كانت حقا مخلصة لك، إياك أن تظلمها! واسأل نفسك: هل سأترك حبيبتي لأتزوج حبيبة رجل أخر؟
  بماذا تنصح أو تنصحين هذا الشاب؟
 

هل وجدت هذه المادة مفيدة؟

Comments

مش فيرجين؟ هو احنا الزنا بقى بالنسبالنا عادي كدة؟
لا يا ريت نكتب القصة صح عشان نحكم صح.
حبيت واحدة من طرف واحد و كانت هي بتدخل في علاقات مع رجالة و تزني معاهم و بعدين يفشكلوا و تتعرف على حد تاني و تزني معاه . و بعدين بعد فترة بعد اخر علاقة زنت فيها و فشكلت قابلتني و قررت تعمل معايا علاقة يمكن اتجوزها بما ان كل اللي قبلي هربوا بعد ما زنوا بيها و فعلا ارتبطنا و للدهشة انا كمان زنيت بيها ....و كمان باوصف ده بانه علاقة زنا ناجحة.
بعد كل ده جاي اسال هل انا كزاني جديد هاتضايق اني هاتجوز زانية خبرة؟
لا حول ولا قوة الا بالله.
سيب البنت دي مش عشان انت طاهر . عشان دي علاقات قذرة مش هينتج عنها جواز محترم يرضي ربنا.
سيبها لانها ما اتعظتش من كل السفالة اللي عملتها و ما تابتش بل على العكس مكملة زنا عادي معاك و هتكمل مع غيرك لما تزهق من اسلوبك في الزنا
و انت يا ايها الزاني الجديد تب الى الله و اعرف قدر الجرم اللي ارتكبته في حق نفسك و ربك و لما تتاكد انك تبت تماما و تطهرت و تعمقت في فهم دينك لفترة كبيرة لا تقل عن سنتين او اكثر و لم تعد للفاحشة و اصبحت تزدري هذا الفعل المشين القذر و لا تغفر لنفسك مجرد التفكير فيه ابقى دور على حد نضيف يشيل اسمك و يربي عيالك و تطلع من بيتك و مانتاش قلقان مين ممكن يكون على سريرك.

الحمد الله الذى عافانا بما ابتلى بيه غيرنا
ثلاثاء, 07/14/2015 - 03:14 م

اتجوزها طبعا انت غلط معاها وربنا بيقول الزانيه لاينكحها الا زانى فابما انك اخطات زيها يبقى صلح غلطك وتوب الى الله بس ماتقلش انك مش زيها لانك غلطت زيها ده غير مافيش واحده طاهره لم يكن لها علاقات هاترضى بيالزواج بيك اصلا لو واحده صالحه هاترفض الا لو صلحت ما افسدت اتجوزها لانك كده كده غلطت معاها صلح غلطتك وكن قد المسؤليه لو لم تكن لها علاقات واخطات معاها يعنى مش كنت هتبقى متردد اللى مضيقك انها اخطات مع غيرك الخطا هو الخطا وخليها بقها تكشف ايدز لان الفيرس ده نتيجه لعلاقات كتير غير شرعيه ربنا يهديكم ويتوب عليكم من الحياه دى

انا شايفه لازم تتجوزها لانك انتو الاتنين زى بعض ومحدش هايرضى بيها غيرك ومحدش هايرضى بيك غيرها اتجوزوا بس قبلها توبو الى الله واصلحو ما افسدتم ولازم يبقى فيه رضا من الطرفيين لان لو فى اى مشكله بعد كده لو مفيش عفوو هاتذذلها بما حدث وده بيوجعع لو هى تائبه وبتحبك ونفسها تعيش حياه نظيفه يبقى اتجوزها وانت نفس الحوار بس اتاكد من كده ومن توبتك انت كمان لانك زيهها بالضبط المشكله مش مع مين ذنت المهم انك انت كمان زانى مثلها اتامد من توبتك ومن توبتها وانها بتحبك مش على شان انت اخر فرصه ليها ومش حد هايرضى بيها وخلاص اتاكد من ااموضوع ده

دي متواقفه عليك من ناحيه انك هتقدر تسامح وتنسا او لا رحم الله امرء عرف قدر نفسو اعرف قدر نفسك وقدرتك علي التحمل وهي كمان تتوقف عليها اتجوزتك ليه عشان انتا الوحيد اللي هتقبل ب دا ولا عشان هي بتحبك!؟

الموضوع والفيده وفيه انك هتقدر تقبل انك تعيش مع وحده لها تجارب قبل وانت اكيد على علاقتك بيها كا صداقه عارف هى بتعمل اى كويس يعنى السؤال انت هتقدر تعيش وكمل وفعلان تقنع نفسك انك بتحبها لسه ولا لا الموضوع انك هتستحمل ده وتقبله ولا لا

Sit together and have an open talk. It's all about transparency and being "together" in this, so share with her your troublings and let her talk and respond to whatever you had in your mind, let her see.

إضافة تعليق جديد

Comment

  • وسوم إتش.تي.إم.إل المسموح بها: <a href hreflang>
  • تفصل السطور و الفقرات تلقائيا.