كلام جاب كل ست ورا
Wikimedia Commons

كلام جاب كل ست ورا

هذا المقال فرصة لكِ ولكَ لإضافة "كلام الناس اللي جاب الستات ورا"، وأضعف من عزيمتهن ومن قدرتهن على مواجهة الإساءة والعنف والتحرش في الشارع أو البيت أو العمل.

لا أعرف فتاة، في أي مرحلة من عمرها، لم تسمع جملة "الناس يقولوا إيه؟" على الأقل مرة في حياتها. تكبر الفتاة وتحمل هم "كلام الناس" وتدفع من راحتها وكرامتها ثمناً باهظاً لتفادي "كلام الناس ... اللي هياكلوا وشها".

في قصة "جحا وكلام الناس"، أدرك "جحا" أن رضاء الناس غاية لا تدرك. تخصص "الناس" في توجيه "الكلام" للأنثى بدون وجه حق أو دعوة وكأن للمجتمع قاموس يحميه.

هذا المقال فرصة لكِ ولكَ لإضافة "كلام الناس اللي جاب الستات ورا"، وأضعف من عزيمتهن ومن قدرتهن على مواجهة الإساءة والعنف والتحرش في الشارع أو البيت أو العمل.

اتركوا إضافاتكم أسفل المقال!

جحا وكلام الناس
alghad.com

مواقف العنف الزوجي ضد المرأة ورد المجتمع:

  • رجل يهمل زوجته عاطفياً

 المجتمع: أنتِ بتتدلعي! خلفي عيل يشغلك! المهم أنه كسيب ومكفيكِ.

تلاقيكِ طلبتي فلوس!

  • رجل يسخر من زوجته ضاحكاً مشيراً إليها بسبابته

المجتمع: هو كان كفر يعني؟ اعملي عملية تجميل في مناخيرك! اعملي من بنها!

  • رجل يضرب زوجته أمام أطفالهما

المجتمع: مرتان في ثمان سنوات مش قصة! ما هو أنتِ اللي عصبتيه!

المهم أنه كسيب ومكفيكِ.

  • رجل يخون زوجته

المجتمع: كلهم كدة! المهم أنه بيرجعلك أخر الليل! بكرة يعقل!

  • رجل يجبر زوجته على ممارسة الجنس معه

المجتمع: وماله ما هو حقه! الملايكة هتلعنك! أنتِ ناشز!

  • امرأة تريد الطلاق

المجتمع: خليكِ معاه وأمني مستقبلك! خليه يكتب الشقة باسمك! هتصرفي منين؟ سمعتك هتبقى في الأرض!

المهم أنه بيرجعلك أخر الليل!

  • رجل يعد زوجته المضروبة بأنه سيتغير ويطلب منها أن تسامحه

المجتمع: اديله فرصة! عرف غلطته أهو! ما تحرميش الولاد من أبوهم!

  • رجل يلوم زوجته بعد ضربها

المجتمع: عنده حق! تلاقيكِ طلبتي فلوس! تلاقيكِ استلمتيه أول ما رجع من الشغل!

كلام الناس والمجتمع
Wikimedia Commons

مواقف التحرش الجنسي في الشارع والعمل ورد المجتمع:

  • صايع بيتحرش بواحدة

المجتمع: لبسها السبب! إيه اللي وداها هناك؟!

  • عجوز يظهر قضيبه لفتاة في الشارع

المجتمع: أنتِ اللي أغرتيه! إيش خد الريح من البلاط!

  • فتاة تقاوم المتحرش

المجتمع: هتبهدلي راجل قد أبوكي؟ هتبهدلي شاب زي أخوكي؟! دا عيل!

إيش خد الريح من البلاط!

  • مدير يتحرش بموظفة

المجتمع: هي اللي عاوزة تتعاكس! أمال نازلة الشغل ليه؟ ما هي لابسة محزق! ما هي لابسة عريان! ما هي بتتدلع في الكلام! أسلوبها طمعه فيها!

  • صايع بيلقح كلام على واحدة ماشية في حالها

المجتمع: البنات بيحبوا كدة! تلاقيها مبسوطة مادام ساكتة! أكيد زبالة وإلا ما كانش عاكسها!

تلاقيها مبسوطة مادام ساكتة!

"كلام الناس" الذي يمنع المرأة من الخروج من دائرة العنف

  • لو اتكلمتِ الناس هتاكل وشك
  • اقعدي في بيتكم أحسن
  • هيقولوا عيلة مفككة
  • ماتحكيش ماتشتكيش ماتطلعيش أسرار بيتك برة
  • بين الراجل ومراته مافيش كرامة
  • جوزك وهو حر فيكي
  • ماهو راجل يعمل ما بداله
  • أصلك عاوزة تمشي على حل شعرك
  • ما عندناش بنات تطلق
  • ما عندناش بنت تغضب وتسيب بيت جوزها
  • عيشي والسلام
  • ضل راجل ولا ضل حيطة
  • استحملي عشان خاطر العيال
  • الراجل راجل والست ست
  • ما تخربيش على نفسك وعيشي
  • أنتِ مش قد الطلاق
  • أنتِ مش قد اقسام البوليس
  • أنتِ مش حمل محاكم
Comments
إضافة تعليق جديد

Comment

  • وسوم إتش.تي.إم.إل المسموح بها: <a href hreflang>
  • تفصل السطور و الفقرات تلقائيا.