بالصوت: أول مرة تعرضت للتحرش
تروي لنا قصتها “كان ده وانا صغيرة… طفلة ابتدائي بس، مش فاكرة كم سنة بالضبط. كان في بواب…..”
فكرة وحوار: رشا الديب
مونتاج: محمد رفاعي
هندسة صوت: نادر حمدي
“كان ده وانا صغيرة… طفلة ابتدائي بس، مش فاكرة كم سنة بالضبط. كان في بواب… فيلا كده جنبنا. كان قاعد برضه يقل لي تعالي افرجك على الفيلا من جوا، ومش عارفة ايه، وما تخافيش وبتاع.
أول ما دخلت… أنا طفلة بريئة جداً مش فاهمة أي حاجة، وده راجل قد ابويا يعني، مش مستخوناه خالص، وحتى ما عنديش العقلية انني استخونه أصلاً.
وداخلة معاه لقيته حط ايده عليّ واطلعي فوق وغير كده. وطبعاً أنا خفت من الرهبة وجريت.
ايه برضه.. مواقف ثانية.. اللي هو كنت أصغر من كده… واحد فعلاً بالفعل لمسني وعمل حاجات قذرة، وأنا برضه مش فاهمة هو عم بيعمل ايه.
مراته ومامتي صحاب. كنا بنقعد كثير نتفرج عالتلفزيون مثلاً لوحدنا، أو هم مشغولين يعملوا أي حاجة.
هو كان يستغل الوقت ده، وكطفلة كنت سايباه يعمل اللي عاوزه ومش فاهمة حاجة، فعلاً مش فاهمة. بعدما كبرت بقى فهمت. دايماً عندي خوف اني احكي”.
احكي ما تخافيش
وفقاً لهيئة الأمم المتحدة للمرأة تعرضت 99% من المصريات للتحرش الجنسي”.
#اكسري_الصمت_نحن_معكِ
#أول_محاولة_تحرش_كان_عمري