• الحب والعلاقات

التقبيل وأهميته في العلاقة الحميمية

By andrewkillen on 2017-08-062022-02-17

في هذا الفيديو تحدثنا د. ساندرين عطالله عن أهمية القبلات والـ “تبويس” في العلاقات الحميمية وعن كيفية اتقان فن التقبيل.

اليوم راح نحكي عن موضوع كثير مهم وما بنعطيه اهمية كثير كفاية؛ كل الشباب والفتيات أكثر عم بيفوكسو على حجم العضو والوصول لنشوة والقذف ومدة العلاقة الجنسية، وعم ننسى نحكي عن القبلة والتبويس.

أهمية البوسة

البوسة كثير مهمة لانو بتخلي الشخصين يتعرفوا على بعض يتقربوا من بعض، بس يبوسو بعض راح يصير في افراز لهرمون التعلق والحب للي بتقرب الشريكين لبعض.

في كمان مادة  للي هي بتعطي هيك الذة والشغف بالعلاقة، وفي افراز لمادة  للي هي بتحسن المزاج.

طبعا اذا البوسه مش كثير ناجحة لان الشخصين عم يتخانقو وبيجو يبوسو بعض، فالبوسه بضايق، في افراز هرمون التعب والواحد بيحس حاله مضايق ومنو مبسوط.

فا هيك عم بتفكروا ان البوسه كثير مهمة بس انا ما بعرف كيف اعمل ما بعرف كيف بدي بوس

كيف نبوس؟

اكيد ما عندنا كتب تا نتعلم كيف بدنا نبوس، الواحد بدو يجرب بدو يتعلم مع الشريكه او الشريك، وما بدو يستحي، يعني بدو يقرب من الثاني، بدو يبلش يلصق فمه من فم الثاني، والشفاه بدو يتقربوا ويلمسوا بعض.

وبعدين في بعض الاشخاص راح يحبوا يصكرو عيونهن واخرين لا، كل واحد حسب رغبته، وكل شخص راح يميل شوي راسه كرمال الانفين ما يلمسوا بعض، وفي هالمرحلة فينا بس يكون بوسه سريعة شفاتين ببعض.

او فيها تكون بوسة عميقة اكثر، فالشخصين راح يفتحوا فمهن، وراح يسمحوا للسان انو يدخل لجوا، وهون حسب الاذواق، في اشخاص بيحبوا يبرمو لسانهن لجوا ويكتشفوا كل شئ موجود بالفم.

وفي اشخاص اللسانين يطقرو بعض بالفم ، هلا اكيد قد ايه مدة البوسة، قد ما انتو بتحبوها تكون، فيها تكون 30 ثانية فيها تكون دقيقة او اكثر، عادة بس يتعرفو اثنين على بعض بيبوسو بعض الى 10 دقائق.

نصائح لنجاح القبلة

طبعا اذا الرجل مطول شوربه ولحيته ربما يضايق الثاني، بدنا ننتبه لهل الشئ، والبعض الاوقات هناك اشخاص بيحبوا يعضعضو بعض، يشدو شوي على فم الثاني اذا في حدا انوجع او انجرح، مش لانو ما عم بتبوس منيح بس لانو كثير ضغطوا على الفم.

بعدين بدنا نذكر، انتبهوا كثير منيح، انو بس عم بنقرب من الشخص الثاني عم بنكون كثير حميميين مع الثاني، لازم نكون فرشينا اسنانا، لازم يكون رائحة فمنا مليحه، لان ما بدنا اكلين دجاج وثوم قبل البوسه.

واذا اكلين ومثقلين فينا نطلع علكة برائحة النعناع مثلا، كرمال تكون رائحة الفم اطيب، واكيد بدنا ننتبه على النظافة هذا الشئ كثير مهم، واكيد بدنا نقدر ننتبه ردت فعل الشريك اذا ما حب طريقته بالبوس بدنا نغير ونجرب شئ جديد.