مناطق الاستثارة
الحب ثقافة

المناطق المثيرة جنسياً عند الرجل والمرأة

"في مناطق حساسة كتير مش بس الأعضاء الجنسية". تعرف/ي على هذه المناطق من خلال هذا الفيديو للدكتورة ساندرين عطالله اختصاصية علم الجنس (Sexology).

اليوم راح نحكي عن المناطق المثيرة للجسم للي هي راح تخلق الإثارة والرغبة الجنسية.

طبعاً الرجال راح يقولوا "لا نحن نعرف وين بنحس بس بالعضو الذكري"، هذه افكار خاطئة عندنا أيها عن الرجال.

الرجال والنساء عندهن مناطق حساسة أولية وللي هي الأعضاء الجنسية وراح نحكي عنها.

عندهن أيضاً مناطق حساسة ثانوية وهنا كل المناطق الموجودة في الجسم، وراح نبلش مرحلة مرحلة.

تعرف/ي على المناطق الحساسة في جسدك

الرأس
أول منطقة نعرفها هي فروة الراس، يعني الرجل والمرأة بيحبوا أنو نداعبلهن شعرهن وندلكهن راسهن، وهذا الشئ بيخلقهن أحاسيس كثير حلوة فيها تأدي للإثارة أو فيها تعطي استرخاء كثير حلو.

المنطقة الثانية واكيد تعرفوها وهي الفم والشفاه واللسان للي كثير حساسن لتحفيز، فما تنسوا تبوسو بعض وشاهدوا الفيديو الموجود عن القبلات.

المنطقة الثالثة هن الأذنين وهن مش بس حساسين للبوسه وللحس، بس كمان حساسين للنفس؛

يعني للهمس في الأدن، وحتى حساسيين للكلمات فيها تكون كلمات حب وفيها تكون شوي جنسية حسب قد ايه الشريكين يتقبلوا.

الأكتاف والضهر وأسفل الضهر كثير حساسين للمساج والتبويس واللحس

نصف الجسم العلوي
وبنزل على الجسم عندنا الرقبة كثير حساسة لتبويس واللحس وحتى بعض الأشخاص راح يحبو العض بي هالمنطقة.

بعدين نوصل للأكتاف والضهر وأسفل الضهر كثير حساسيين للمساج والتبويس واللحس ولكل شئ في خيالكن يسمحلكن تعملوه.

اكيد عندنا الصدر والثديين عند المرأة والرجل، بس هذه المنطقة أولية عند المرأة وثانوية عند الرجل، بس الرجل كمان حلمته كثير حساسة وفيها تسببله انتصاب.

وبنزل شوي لتحت و بنوصل للبطن والسرة في بعض الأشخاص بيتزكزكو "يتدغدغو" بهذه المنطقة، بس إذا مسترخين كفاية فيهن يحسوا بالإثارة لأنو هالمنطقة كثير قريبة للعانة.

الأفخاذ كثير حساسة والركبة أيضاً، ولا ننسى الإبط

ما تحت السرة
ونرجع شوي لوراء للمؤخرة كثير حساسة وهون الواحد بدو يسمح لحاله أنو يقبل حدا يطقر على مؤخرته أو يطقر مؤخرة الشخص الثاني.

واذا بننزل بعد الأفخاذ كثير حساسة والركبة أيضاً، ولا ننسى الإبط منطقة كثير حساسة للمداعبات.

إذا ببنزل بعد شوي للكعب و أصابع الرجلين للي هن مناطق كثير حساسة لتدليك واللحس، أكيد في بعض الأشخاص بيتزكزكو.

وعندنا منطقة ما لازم ننساها وهن الأيدي كثير حساسيين خصوصاً بين الأصابع كثير حساسة للتبويس ولحس وحتى لشخصين يمسكوا بعض

اذكروا لما تعرفتما على بعض أول شغله حبيتوا تعملوها هي أنكوا تمسكوا إيدين بعض.

الاقتراب من الأعضاء الجنسية
ننتقل للمناطق الأقرب كثيراً من الأعضاء الجنسية، وما بدنا ننسى أن في كثير مناطق حساسة مش بس الاعضاء الجنسية.

عندنا العجان كثير حساس، يعني بين كيس الصفن عند الرجل وفتحة الشرج.

عند المرأة كمان بين الفرج وفتحة الشرج منطقة كثير حساسة، بس مش كل الأشخاص يقبلوا أنو نداعب هالمنطقة.

وداخل الشرج بالمستقيم منطقة كثير حساسة عند الرجل والمرأة، وشوي أكثر عند الرجل إذا بيتقبل، لأنو بتسمح بتدليك البروستاتا من جوا.

داخل الشرج بالمستقيم منطقة كثير حساسة عند الرجل والمرأة

مناطق الاستثارة الأولية
وهون بدنا نرجع نذكر أنو المناطق الأولية هي الأعضاء التناسلية عند المرأة، يعين عندن البظر والشفرين الصغار والكبار وفتحة المهبل وداخل المهبل والجدار الامامي من المهبل .

وعند الرجل العضو الذكري ، وأكيد هو رأس العضو بيحس أكثر شيء.

كذلك جسم العضو وكيس الصفن وين موجودين الخصيتين وهن كثير حساسين، فا بدنا نلمسهن بطريقة كثير ناعمة.

وبنذكر تا نقدرنكتشف هذه المناطق بدنا نجرب ونحكي مع الطرف الآخر.

حتى إذا ما وصلتوا للإثارة من وراء تدليك أو تحفيز هالمناطق راح تحسوا وهذا الشئ كمان بعزز الرغبة والإثارة.

Comments

شكرا على هدة المعلومات القيمة في الحقيقة انا اتبعت كل ما قالت الدكتورة و استمتعت كتير خصوصا عندما قمت بتدليك البروستاتة و مرة اخري شكرا دكتورة

إضافة تعليق جديد

Comment

  • وسوم إتش.تي.إم.إل المسموح بها: <a href hreflang>
  • تفصل السطور و الفقرات تلقائيا.