بحبها وخايف: أعمل إيه؟
أحببت بنت معي في الشغل. الحكاية من سنة 2012 لما كانت مسافرة في رحلة عمل ولما كلمتها في التليفون قالت لي أنها اشتاقت لي ومن ساعتها وانا تعلقت بيها…
…ولما رجعت من السفر وشافتني سابت كل صاحباتها علشان تسلم عليّ مخصوص، ومرة كانت تفطر هي وصاحبتها وفي واحد كان يفطر معهم – الواحد ده حب يديها لقمة في بقها بس هي رفضت علشاني. وفي يوم من الايام انا كنت أمر من الشارع بالصدفة في نفس الوقت الذي الموظفين بيروحوا بيوتهم فيه – انا عديت امام العربية اللي هي بتركب فيها. راحت هي قالت للسواق خلى بالك علشان انا بعدي الشارع.
ومرة بعتت لي وردة هدية، وفي يوم ميلادي اللي فات جابتلى ازازة عطر هدية، ولقيت رسالة على الفيس بوك من واحدة كاتب اسمها “سمراء النيل”. قالت لي: “كل سنة وانت طيب”. قلت لها “وانتى طيبة، بس مين حضرتك؟” قالت لي اسمها. ومواقف تانية. لكن مشكلتي تتخلص في التالي:
- البنت اللي انا بحبها اكبر منى بسنتين، وممكن اهلي واهلها يرفضوا.
- خلافات بين والدي ووالدتي لأن والدي تزوج زوجة اخرى وهو مش عايش معانا حالياً.
- عندي مشكلة انى بتكلم بسرعة اثناء التحدث مع الاخرين
تنصحيني بإيه؟
وشكراً جزيلاً
عزيزي عاشق سمراء النيل
اعتبرني في مقام والدتك أو خالتك أو أختك الكبيرة وفكر في النقاط التالية:
- ما بينك وبين سمراء النيل لا يقع في خانة الإعجاب ولا يرتقي إلى منزلة الحب .
- أنت تشعر بمزيج من الفضول والانجذاب تجاه فتاة غامضة “تشغلك”.
- الارتباط الرسمي أو الزواج يحتاج إلى بنيان قوي من المعرفة الحقيقية بشخصية الطرف الأخر.
- المعرفة الجيدة – المتبادلة – بشخصية شريك الحياة تتطلب وقت ومواقف وحوار مستمر.
- ماذا تعرف عن أولوياتها في الحياة؟ مواقفها من القضايا العامة والخاصة؟ قدرتها على تفهمك واستيعابك؟ سلوكياتها؟ احتياجاتها؟ وماذا تعرف هي عنك؟
- قبل التفكير في تقبّل أهلك لها أو رفضهم لفارق السن بينكما، عليك بالتعرف عليها كإنسانة وصديقة ومساعدتها في التعرف على جوانب شخصيتك المختلفة.
ولا تدع الخلافات بين والدك ووالدتك ومشكلة زواجه بأخرى تؤثر عليك وعلى ثقتك بنفسك وكما يقول المثل “البيوت أسرار” و “وراء كل باب حكاية”. عندما يحين وقت ارتباطك سوف يحضر والدك وسوف تحضر والدتك بصفتهم أهلك لا بصفتهم زوجين، وسوف يتفهم أهل زوجة المستقبل أن واقع زواج والدك لن يؤثر على زواجك في شيء. الانفصال والطلاق لم يعد وصمة عار والمشاكل الأسرية تحدث في جميع البيوت.
وأخيرًا، مشكلة كلامك السريع تحتاج إلى تدريب ووقت وقد يساعدك أخصائي تخاطب ببعض التدريبات التي تحسن من مخارج حروفك وسرعة حديثك ونبرة صوتك.
مروة رخا
اترك تعليقاً
آخر التعليقات (17)
نصايح جميله بجد بس انامشكلتى
نصايح جميله بجد بس انامشكلتى اكبر من كدا ينفع اكتبها ونا مش معايه حساب على الفيس بوك
عزيزي عبقرينو
عزيزي عبقرينو
يمكنكم التواصل مع فريق التحرير عبر الايميل الخاص بالموقع
[email protected]
التواصل مع الموقع يتم بسرية تامة ومن دون استخدام الأسماء على الموقع.
مع تحيات
فريق التحرير
انا الي بحبها اخت صاحبي اعمل
انا الي بحبها اخت صاحبي اعمل ايه
طب واللي مش عارف يحب او خايف
طب واللي مش عارف يحب او خايف من الحب
انا عندى مشكلة معجب بزميلة لى
انا عندى مشكلة معجب بزميلة لى وفى بينا نظرات ! ولكن مش قادر اتكلم معاها او محرج لكلمها !! اية الحل؟
انا مش عرف اكلامها لانها اخت
انا مش عرف اكلامها لانها اخت صاحبي اعمل ايه طيب
انا مشكلتى كبيرة وعايزة
انا مشكلتى كبيرة وعايزة اعرضها بس هى مشكلة كبيرة مش تنفع فى كومنت لان المواقف كتير
المتابعة العزيزة دينا
المتابعة العزيزة دينا
يمكن التواصل معنا بسرية تامة عبر ايميل الموقع:
[email protected]
مع تحيات
فريق التحرير
انا كل شيئ فى حياتى غلت
انا كل شيئ فى حياتى غلت
عندى اسئله كتيره محيرانى ومش
عندى اسئله كتيره محيرانى ومش عارف ابعتها ازاى
عزيزي المتابع
عزيزي المتابع
يمكنك التواصل معنا بسرية تامة عبر الايميل الالكتروني:
[email protected]
مع تحيات
فريق التحرير
ردكم عليا ألاقيه فين
ردكم عليا ألاقيه فين
عزيزي Voda،
عزيزي Voda،
نشكرك على الاهتمام. في حال ارسلت لنا اسئلتك ستصلك ردود من المختصين قريبا.
مع تحيات فريق التحرير
انا بحب وحده بس مش عارف
انا بحب وحده بس مش عارف اصرحها ازاي وخايف لناس مش هتسبني في حالي
عزيزي المتابع
عزيزي المتابع
قمنا بالرد على أسئلة مماثلة من قبل. الرجاء متابعة الوصلات التالية:
https://lmarabic.com/news/I-love-her-and-am-afraid
https://lmarabic.com/news/question-I-dont-dare-to-say-I-love-her
انا بحب واحد وبنكلم بعض وهو…
انا بحب واحد وبنكلم بعض وهو بيقول أنه بيحبنى وهو بيهتم بيه بس الشباب اليومين دول بيعرفو يمثلوا الحب كويس جدا وانا خايفه أنه يكون بيضيع وقت ومش بيحبنى بجد
مرحباً،
جزء من الحب هو…
مرحباً،
جزء من الحب هو التعبير عن الاحترام، فعليك أن تلاحظي إذا كان يعامل مشاعرك وأفكارك وتصرفاتك باحترام. كذلك عليك أن تتساءلي إذا كانت مشاعره ثابتة نحوك إذا مررتما بظروف صعبة؟
وكذلك هل هو مستعد أن يتنازل عن شيء لنفسه من أجلك؟
هذه عدة أسئلة يمكن أن تطرحيها على نفسك للتأكد من مشاعره تجاهك.
الحب ثقافة