رجل يعتدي بالضرب المبرح على امرأة
الحب ثقافة/Mirjam van den Berg

زوجي يضربني: ماذا أفعل؟

انا صيدلانية ومتزوجة وعندي طفلين. زوجي يضربني، وحبسني في الأوضة وحاول خنقي. ما كنتش عارفة استنجد بحد ولا أقاوم علشان ميزودش.

 المهم دلوقتِ انا عاوزة اتطلق، بس خايفة حد يقول: “انتِ عملتِ ايه علشان توصليه لكده؟”. أنا رافضة تماماً السؤال ده.

بعد الخنق والضرب على جسمي ووجهي، وإلقاء الماء عليّ، جاء أهله وتدخلوا وطلبوا مني أن أصالحه بسكوت دون أن أخبر الناس ورفضوا أن يتدخل أهلي.

وبعد كل هذا: هل طلب الطلاق حقي ولا دي رفاهية مني؟ وهل انا كده “بتبتر على العيشة الحلوة” لأنه “مثلما ضربني هناك حاجات حلوة هو عملها مش كله وحش”؟.

على فكرة، انا مش موافقة عالكلام ده، بس بقول اللي الناس هيقولوه. كنت عاوزة اقول لحضرتك انه بعد ما أهله غادروا، قال لي: “أنا عايزك النهار ده ف السرير” وأنا رفضت.

مش هينفع طبعاً وانا في سابع نومة من الضرب أن ألبّي مثل هذا الطلب. وكان جوابه: “لازم تعملي حاجة تقرّبنا من بعض”…أنا متحيرة: هل اولادي ممكن أن يلوموني في يوم من الايام؟” 


عزيزتي الزوجة المضروبة،

كتبت لك رداً يحثك على الطلاق ثم حذفته!

منذ خمس سنوات أرسلت لي زوجة رسالة مشابهة، ونصحتها بالطلاق والحفاظ على كرامتها وتربية أولادها بعيداً عن هذا الزوج العنيف.

نصحتها بتركه فوراً والاحتماء بأهلها، والبحث عن عمل وتربية أبنائها في بيئة صحية، حتى لا تختزن ذاكرتهم بصور العنف بصفة عام والعنف ضد المرأة بصفة خاصة.

كتبت لها عدة أسطر تشد أزرها وتقوي من عزيمتها. كان هدفي هو أن تشعر بآدميتها المهدرة وتثور على وضعها كحيوان في الأسر وتستغل كل أدواتها لتبدأ من جديد.

وضعت لها خطة الهروب من سجن الزوج الغاشم، وساعدتها على ترتيب أفكارها والكلام الذي ستقوله لأهلها، ثم شجعتها على البحث عن وظيفة مناسبة وتطوير مهاراتها بالدورات التدريبية.

نصحتها أيضاً بعدم التفكير في زوجها وغضبه لأن القانون في صفّها والزوج الذي يضرب زوجته أمام أبنائه لن يدافع عنه أحد. أرسلتُ رسالتي وابتسمتُ لأني تصورت أني حقاً قدمت المساعدة لزوجة وأم عانت بما يكفي!

بعد عام من تلك الواقعة، قابلت صاحبة الرسالة صدفةً، ولم أكن أعرفها وجهاً لوجه سابقاً! عرّفتني بنفسها، وذكّرتني بتفاصيل ردّي عليها، ثم نادت على أطفالها الثلاثة لتعرفني عليهم، وأشارت من بعيد إلى رجل جالس تحت المظلة.

قالت أنه زوجها وأبو أولادها! التقت نظراتنا، وقرأت في وجهي الدهشة، وفي صمتي عتاب على تهاونها في حق نفسها. أجابتني دون أن أسأل بأن الطريق كان صعباً، وأن نصيحتي لها أكدت لها أن مكانها هو في بيتها مع زوجها وأبنائها.

قالت لي أنها لن تقدر على مواجهة الحياة كمطلقة، وكأم تعول ثلاثة أبناء، وأنها لا تقدر على مشقات حياة المرأة العاملة ومسؤوليات تأسيس بيتٍ لوحدها.

سألتها عن “الضرب” والإساءة المعتادة في مثل هذه الزيجات، فأجابت أنها تبكي تارةً وتخاصمه تارةً ولكنها لم تتركه! “النصيب كدة” هكذا قالت قبل أن تعود لتجلس تحت المظلة.

أنت يا عزيزتي أدرى بنفسك وبظروفك! يمكنك أن تعملي بنصيحتي لتلك الزوجة أو أن تتعايشي مع “عيب” زوجك وتكفَي عن الشكوى!

هل وجدت هذه المادة مفيدة؟

اترك تعليقاً

آخر التعليقات (26)

  1. لو تقدري تستقلي بنفسك الحياة
    لو تقدري تستقلي بنفسك الحياة هتبقي أرحم مليون مرة من الذل و الاهانة و الضرب. ربنا معاكي!

  2. في أسوأ الأحوال. ممكن بالخبرة
    في أسوأ الأحوال. ممكن بالخبرة تعرفي حد معين تقفي عنده و متوصليهوش للدرجة دي. حتى لو معاكي حق. أصل واضح من تفاصيل الضرب إنه يعني واخد على إنه يضرب يعني و بأكتر من طريقة.
    وقفي عند درجة معينة و أي حاجة تولع بقى.

  3. عزيزتى و اختى انا انصحك بان
    عزيزتى و اختى انا انصحك بان لا تتركى هذا الزوج فانا اعلم بعذبك ولكن هذا الزمان غدر من الصعب ان تجدى شخصا اخر لكى او لاولادك و لان تجدى الحب بسهولة

    1. على اساس انها مع هذا الزوج…
      على اساس انها مع هذا الزوج لاقية الحب المراة لما زوجها يضربها بتصير تكره حتى انها ما تقدر تنام معا لانها بتنفر منه اشد النفور

  4. حولى تكملى معاه علشان اولادك
    حولى تكملى معاه علشان اولادك مش اكتر

  5. ابني نفسك و كملي نواقصك عشان
    ابني نفسك و كملي نواقصك عشان تعرفي تنفصلي..الانفصال صعب في حالة وجود اطفال..بس مافيش اصعب من ان ابنك او بنتك يبقى كل ذكرياتهم عن الطفولة اب بيضرب و أم بتعيط..ربنا معاكم جميعا

  6. أستحملى شوية علشان خاطر عيالك
    أستحملى شوية علشان خاطر عيالك وربنا يهدية ليكى وتكونى سعيدة باذن اللة الله معاكى

  7. صراحه الا الضرب دى عاده وحشه
    صراحه الا الضرب دى عاده وحشه أقوى لازم تحفظى على كرامتك ومظهرك قدام نفسك قبل ولادك محدش يستاهل انك تخصرى حياتك عشانه استقرى وأبدى حياه احسن ليكى ولولادك

  8. قال رسول الله صلي الله عليه
    قال رسول الله صلي الله عليه استوصو بالنساء خيرا

  9. والله انا نفس الحكايه بنفس
    والله انا نفس الحكايه بنفس التفاصيل ومش عرفه اعمل ايه هو سلعات بيبقى كويس وساعات كتير بيعمل كده ضرب وشتيمه وخنقنى مرهبسؤ سعات بنتفسح وساعات بنهزر مش عرفه اعمل ايه والصح ايه

  10. والله انتى درى بظروف نفسك بسي
    والله انتى درى بظروف نفسك بسي متعمليش حاجه تبقي فيها ضعيفه سواء اطلقتى او كمالتى

  11. سبب الضرب ايه

    سبب الضرب ايه

    لو حتقدرى تكملى الحياة لوحدك سبية (حياة كريمة لاولادك + الاكتفاء لرغباتك الانثوية)

  12. عزيزتى انا كنت اامر بنقس
    عزيزتى انا كنت اامر بنقس الظروف وعانيت كثيرا وزهبت الي بيت اهلى كثيرا وبعد مرور وقت رفضت موضوع الضرب وكنت اول مايضربنى اخصمه يوم اسبوع وقلتله ازا ضربتنى انا سوف افعل مثلك وفى يوم ضربنى فقمت بنفس الفعل وف نفس التوقيت الجيران سمعوا فتدخلوا وبعد زلك لم يكررها تعرفى لمازا ﻻنه وجد نفسه سوف يوهان

  13. ياريت تحاولى ان تصلحة ما ادى
    ياريت تحاولى ان تصلحة ما ادى العلاقة الى هذا المنحدر الخطير ونفذى ما يطلبة منكى حتا اذا كان على حساب نفسك وهو سوف يعود لرشدة من معاملتك الجيدة لة ويتاسف ويندم على ما فعل ……. اما اذا عملتى برائ الساذج الى بيقولك اطلبى الطلاق وتخرجى من عش الزوجية لن تجدى نفسك الا فى غابة يحوطها الظلمات وتجريح المشاعر

  14. انا بعانى كثيرا لنفس المشكلة
    انا بعانى كثيرا لنفس المشكلة وافوض امرى الى الله

  15. انا بمر بنفس االظروف وكلام
    انا بمر بنفس االظروف وكلام ملهوش اي لازمه يتقال وسبت البيت ورحت عند اهلي ودلوقتي بيلوي دراعي بالاولاد ومش مخليهم يكلموني ولا اكلمهم وحسبي الله ونعم الوكيل

  16. لوحاسه انه انسان كويس ودي
    لوحاسه انه انسان كويس ودي ساعه شيطان وضيقه من الشغل اصبري لوغيركده بكل هدوءانسحبي وربناهيعوض عليكي بانسان ينسيكي كل اللي فات

  17. استخيري ربنا وادعي
    استخيري ربنا وادعي كتييييييييير ربنا يهديه ربنا يصلح حالكوا ويالف بينكوا وحاولي تبعدي عن الحاجه اللي بتخليه يضربك يعيني متعمليش اللي بيخليه يمد ايده عليكي واصبري

  18. انا مصدومه من التعليقات ..
    انا مصدومه من التعليقات .. ايه اللي يخلي ست عندها كرامه تستحمل الاهانه المتكرره لمجرد انها تبقي في ظل راجل ،، ده ظل حيوان ،، و ليه هو ميتعلمش يتعامل مع بني ادمين ،، تستحمل و ربنا يهديه ؟!! طب ما حد يفهمه غلطه او تبلغ اهلها لو مش عايزه تسيبه فعلا

  19. انتي مابتستاهلي كل ده خدي
    انتي مابتستاهلي كل ده خدي ولادك وربيهم بعيد عنه

  20. رايي انها تمسك يده في حالة
    رايي انها تمسك يده في حالة هدوء تام وتفهمه غلطه وتكون علاقتك معه بالتفاهم بدل التشاجر

  21. ربنا يصبرك لو عمل كدة تاني…
    ربنا يصبرك لو عمل كدة تاني قومى صلي لربنا وطلعى غضبك بين أيدين ربنا هو احن عليكي م اى حد عشان عيالك ميتبهدلوش

  22. والله يابنتى جوزك مش غلطان…
    والله يابنتى جوزك مش غلطان
    إنتى وأهلك إللى غلطانيين
    انتوا إللى وصلتوه لكده
    غالبا الحكاية مابدأتش بالضرب
    بدأ مرة زعقلك بعدها على صوته بعدها شتمك بعدها زقك
    لحد ماوصلت فى النهاية للضرب بالشكل ده
    ده لو خد على دماغ امه بالجزمة من البداية ماكانش عمل كل ده
    اهلك غلطانين خاصة ابوكى واخوكى
    انا لو اختى جاتلى مضروبة (حتى لو غلطانة )
    هامسح بجوزها البلاط
    مافيش حاجة إسمها يضربها
    بعدين مال العيال بده
    دى حاجة بين شخصين
    مافيش حاجة اسمها علشان خاطر الاولاد
    يعنى ماهو ماعملش خاطر للأولاد
    لو اهلك عيال طرية مش بتاعة تجيب حق بنتها
    اطلبى الشرطة واعملى له محضر تعدى
    السجن تهذيب وإصلاح للأشكال دى

    بعدين إيه موضوع صيدلانية
    عاوز أعرف هاتفرق فى إيه كونك صيدلانية من عدمه
    يعنى إنتى شايفة نقفسك مثلا صيدلانية يبقى ماينفعش تتضربى
    لا يا أفندم حضرتك غلطانة والموضوع مالوش دعوة بالمستوى العلمى والوظيفة
    دى مسألة كرامة إنسانية
    حتى لو جاهلة مش بتعرف تقرأ وتكتب برضه ماتتضربش
    سقطة كبيرة من حضرتك التنويه على كونك صيدلانية

    ملحوظة أخيرة :
    ياريت بلاش خيانة
    الخيانة مش إنتقام منه ولا إهانة ليه
    دى إهانة ليكى إنتى شخصياً وهو مش هايخسر حاجة لما تخونيه
    إنتى إللى هاتخسرى
    وهاتخسرى كتير

  23. انا عزوبي و مستغرب ليش الزوج…
    انا عزوبي و مستغرب ليش الزوج يضرب زوجته . الدنيا اخذ وعطاء. اذا اني متزوج والله ويين ما ارووح زوجتي معاي . بس اخخخخ عزوبي

الحب ثقافة

مشروع الحب ثقافة يهدف لنقاش مواضيع عن الصحة الجنسية والإنجابية والعلاقات