امرأة خائفة تقف مترقبة خلف الباب
flickr.com

حياتي تعيسة مع زوجي، ماذا أفعل؟

“أنا زوجة وأم من حوالي 6 سنين، وبشتغل الحمد الله وبقبض كويس. هاحكلكو قصتي: أنا لما اتعرفت على جوزي كان مطلق من فترة، ومعوش ولا مليم. هو معندوش أولاد. عرضت علية بأخد قرض ونتجوز، لأن اهلي مكنوش موافقين اصلاً، وانا حسيت انه ابن ناس فوقفت جنبه.

 في الأول حسيت انه معجب بواحدة صحبتي من تصرفاته لما بتبقى موجودة. حاولت أبعد عنه قال لي انه بيحبني ومش معجب بيها وتزوجته. للأسف من يوم ما اتجوزته عمل الآتي: 

  • كل شوية مقارنة بيني وبين صحبيتي ولحد دلوقتي على فكرة. 

  • اكتشفت من حكايته هو وأهله إنه كان أحسن مع مراته ميت مرة من معاملته لي ومدلعها، ودا سر طلاقهم انه هو في الآخر قرف واتحول عليها، فحبت تلعب بكرت الطلاق ولللأسف السحر انقلب على الساحر.

  • دايماً أي حاجة تخصني ينساها وعمره ما وقف جنبي في أي أزمة. 

  • أنا الي متحملة جميع الديون وبحل مشاكلنا ومشاكل ولادنا.

  • بيكلم ستات وأناني جدا والأنا عنده عالية. 

الميزة الوحيدة اللي فيه انه بيتحمل عصبيتي الشديدة، وانه بينسي بعد خمس دقايق أي كلام اقوله، بس الحقيقة مؤخراً بقيت اشوفها تناحة. أنا زهقت، وصلت لمرحلة التعاسة! التضحية أصلها محتاجة حافز، ومتحسيش إن اللي قدامك متزوجك استغلال.  تفتكروا زوجي بيحبني فعلاً بس هو دا طبعة؟ ولا زوجي بيستغلني؟ ولو رأيكم إنه بيستغلني اتطلق منه ولا أكمل عشان العيال وظهر راجل ولا ظهر حيطة؟”
 

ظهر راجل ولا ظهر حيطة؟

عزيزتي الزوجة،

قصتك مليئة بعلامات الاستفهام؛ لماذا اخترتِ هذا الرجل ليكون زوجاً لك؟

ما هي الصفات والمميزات التي جعلتك تحلمي بحياة سعيدة معه؟

ماذا قالت صديقتك عندما استفسرت منها عن طبيعة المشاعر بينها وبين هذا الرجل – قبل أن يصبح زوجك؟ لماذا قبلت الزواج به وهو مفلّس؟ لماذا قبلت سداد ديونه بعد الزواج؟

لماذا تحملت المقارنة بينك وبين صديقتك منذ بداية زواجك؟ لماذا قدّمت كل هذه التنازلات؟ لماذا أنت مستمرة في تقديم التنازلات؟

بالنسبة لأهله، هناك أيضاً علامات استفهام كثيرة!

ما هي طبيعة الحوار بينك وبين والدته أو أخته أو أبنة خالته التي قد تؤدي إلى اعترافهم بأن ابنهم كان يعامل طليقته أفضل منك؟

هل كانوا يفضلونها عنك؟ هل يتعمدون إهانتك؟ هل يريدون الوقيعة بينك وبين زوجك؟ هل يحثونك على الطلاق بطريقة غير مباشرة؟

يتضح لي من كلامك أنه لا يجاملك، ولا يحنو عليك، ولا يتحمل مسئولية أبنائكم ولا يشاركك أي شيء.

بالإضافة إلى ذلك فهو متعدد العلاقات ومتكبّر وأناني وعشرته صعبة. تشعرين بالتعاسة والاستغلال وبأنه حتى لا يبالي بكلماتك الغاضبة.

تسألين إذا كان ظل رجل أفضل من ظل الحائط وأنا بصراحة لا أرى رجلاً في حياتك تستظلين به!

قرار الاستمرار أو الطلاق يعود لك، ولكن إذا قررت الاستمرار لا تتوقعي منه أكثر مما تتوقعي من حائط في منزلك!

لا تتوقعي حب وود ومشاركة ومسئولية لأنه مجرد ديكور على شكل زوج.

هل وجدت هذه المادة مفيدة؟

اترك تعليقاً

آخر التعليقات (8)

  1. جوزك سايكوباتى نرجسى..بمعنى
    جوزك سايكوباتى نرجسى..بمعنى آخر مريض نفسيا و مش هيتعالج حتى لو راح لدكتور لأنهم مش بيقتنعوا إنهم غلطانين و أشك إنه كان بيعامل مراته الأولانية أحسن و على فكرة هو ماكنش معجب بصاحبتك هو كان عايز يعرفك إنه معجب بيها عشان يستنفر فيكى الإحساس بعدم الأمان و تسعى إنك ترضيه على طول لا يبص برة..و على فكرة مش هيفضل كدة..كل مدى هيبقى أسوأ لأن الناس دى معندهاش ضمير و بتستمد متعتها من إنك تبقى متعذبة كدة..أنا فهمت بعد ما قابلت كذا حد بالشكل دة و إبتديت أبحث فى الموضوع لغاية ما وصلت لمصلح سايكوباتى و بقالى سنة بقرا كل حاجة بتتكتب عنه..الموضوع بجد طويل و لو معاكى إنجليزى كويس إعملى سيرتش على جوجل بكلمة psychopath

    1. الحكم عامة لا يكون صحيح عندما
      الحكم عامة لا يكون صحيح عندما نسمع من طرف واحد وساعات الشكوي كثيرة ولادك هم الاساس اوعي تسيبهم وربنا يغينك علي جوزك

  2. كمان عايزة أقولك حاجة كونه
    كمان عايزة أقولك حاجة كونه بيبقى هادى و إنتى متعصبة دة مش عشان محترم و مستوعبك زى ما انتى متخيلة دة عشان هو متمتع بوضع إنه حلاكى كدة

  3. انا عندى مشكله وعايزة اخد
    انا عندى مشكله وعايزة اخد رأيكم معايا اعمل ايه عشان أتواصل معاكم

  4. انا بئول اتركيه علشان يتعلم
    انا بئول اتركيه علشان يتعلم الواطي

  5. السلام عليكم لزمك تصرحيه و…
    السلام عليكم لزمك تصرحيه و اتحلو المشكل. الطلاق ليس حل للمشاكل عندك عيال متغلطيش.

الحب ثقافة

مشروع الحب ثقافة يهدف لنقاش مواضيع عن الصحة الجنسية والإنجابية والعلاقات