رسم توضيحي لزوجين في الفراش
الحب ثقافة

نصائح لعلاج تشنج المهبل اللاإرادي

ألّفه د. ساندرين عطاالله الاثنين, 10/31/2016 - 05:40 م
ليس بالضرورة أن يلجأ الزوجان للأطباء مباشرة عند عسر الجماع بينهما، هنالك طرق أولية للعلاج الذاتي والوصول تدريجياً لجماع مريح وممتع لكلا الطرفين.

في فيديو سابق تحدثت الدكتورة ساندرين عطاالله عن عسر الجماع وتشنج المهبل وهي حالة تُسمى بـ vaginismus أو التشنج اللاإرادي لعضلات المهبل، التي تعيق عملية الإيلاج في المهبل ليسبب عسر الجماع.  

ليس بالضرورة أن يلجأ الزوجان للأطباء مباشرة عند عسر الجماع بينهما، هنالك طرق أولية للعلاج الذاتي والوصول تدريجياً لجماع مريح وممتع لكلا الطرفين. تابع/ي الفيديو لمعرفة المزيد من النصائح لعلاج تشنج المهبل اللاإرادي. 

انظر/ي أيضا المقالات التالية:

رهاب المرأة من الجنس: أسبابه وعلاجه

زواج مع "وقف التنفيذ"

العجز الجنسي في شهر العسل.. أسبابه وعلاجه

--------------------------------------------

النص الكامل للفيديو:

"راح نكمل نحكي عن التشنجات اللاإرادية لعضلات المهبل.

مثل ما قلنا نطلب من الأزواج انو يفحصوا او يشفوا طبيب.هل اذا ما اقدروا يشفوا طبيب وحابين يجربوا ويشفوا اذا هنا فيهن يحلوا المشكلة لوحدهن.

أكيد الحل مش أنو الزوج يجبر مرتو على العلاقة هذا كثير مهم. والمشكلة ما تختفي لوحدها هذا الشي كثير مهم نوضحو.

فالمرأة بعرف أنو تكون كثير خائفة بعرف أنو تكون كثير متلبكه. بس بدها تعرف من وين راح يصير الادخال وبدها تكتشف نفسها. يعني بدها تجيب مراية وبدها تطلع على اعضائها التناسلية الخارجية وبدها تشوف وتكتشف وتقدر تشوف وين الشفرين الكبار والشفرين الصغار وين عم بيكون البظر يلي هو بأعطي أكثر شئ لذة عند المرأة. وينها فتحة مجرى البول وينها فتحة المهبل.
بس تعرف وين فتحة المهبل بدها تقدر تلمسها. تدقر الغشاء. اكيد هي ما راح تعرف شو هو الغشاء من فتحة المهبل. بنذكر أنو الغشاء بيغطي شقفه صغيرة من فتحة المهبل. بدها تقدر تدقر تا تتأكد أنو ما في وجع. وبعدين بدها تحط مرطب على اصبعها وتقدر تعمل تدليك دائري حول فتحة المهبل تا تقدر تحس بالعضلات للي بيشدو. لانو العضلات الموجودين جوا بيصير في تشنج وتقدر تاخذ نفس وتكب نفس وتشد بالعضلات وترخيهن كانها عم تدفش لابرا تا تقدر ساعتها تدخل اصبعها.
وبذكر أنو ادخال الاصبع ما بسبب تمديد لغشاء البكارة. بس تصير مرتاحه بدها تسمح لزوجها أنو يعمل نفس الشئ أنو يطلع أنو يدقر أنو يلمس المهبل أنو يقدر يعمل تدليك دائري حول فتحة المهبل تدريجيا تحت نصائح وارشادات زوجته. راح يدخل الاصبع وراح تقدر المرأة تشد وترخي تا يقدر الرجل يدخل أصبعه لجوا. وبعدين بندخل إصبعين ومن تم نطلب من الشريكين يبلشوا يتمرنوا على الادخال.
بس مش المرأة من تحت ناطره الادخال مثل الضحية وخائفة امتى راح يصير الادخال. لا بدها تكون مسيطرة يعني بطريقة تكون فوق جسم زوجها وبدها تقدر ترجع لوراء تدريجيا على العضو تا تأخذ العضو جواتها شوي شوي. 

"اذا ما قدرت ما بدنا نأجل الموضوع نعين طبيب تا نبلش العلاج النفسي مع الطبيب.

Comments
إضافة تعليق جديد

Comment

  • وسوم إتش.تي.إم.إل المسموح بها: <a href hreflang>
  • تفصل السطور و الفقرات تلقائيا.