هل يمكن أن أفقد عذريتي بالخطأ
الحب ثقافة

١٢- هل يمكن فقدان العذرية بالخطأ؟

هل يمكن لفتاة أن تفقد عذريتها بدون قصد؟ هل العذرية هي وجود غشاء البكارة؟ هل يؤثر الجنس الشرجي على العذرية؟ هل تفقد الفتاة عذريتها وهي تمارس العادة السرية؟
١٢- هل يمكن فقدان العذرية بالخطأ؟

مرحبا!
سؤال عم بجينا كثير فالموقع هو: هل فيني أفقد عذرتي بالغلط؟

بدنا نبلش أول شيء نحدد السؤال، لأنو شو معنى العذرية؟

بالنسبة مثلاً في بعض النساء، أنو العذرية عندها هي معناها ولا مرة مارست الجنس المهبلي، بالنسبة لغيرها، حسب اعتقاداتها أو دينها ورأيها بالموضوع حسب تربيتها، فيها تفكر أنو العذرية هي ما صار شيء من الإدخال.

يعني تعتبر ما مارست لا الجنس الفموي أو الشرجي أو المهبلي، في بعض الأشخاص يعتبروا أنو غشاء البكارة هو دلالة العذرية، وهون بدنا نوضح هذا الشيء مش مضبوط.

يعني في بعض الفتيات بيخلقو من دون غشاء بكارة، وفي بعض الحالات بتسبب تمدد غشاء البكارة من دون ما يكون صار في علاقة جنسية، فاذا الغشاء موجود يعني هالشخص ما صار في إدخال عضو بالمهبل بس ما يعني غير شيء، واذا الغشاء منو موجود ما بنعرف ليش مش موجود، ما فينا نعرف ليش اختفى هالغشاء اذا مظبوط صار في علاقة أو لا.

اذكروا هذا الشيء وهو أنو الغشاء عادة  بيكون على فتحة المهبل والغشاء يتغير من شخص لثاني حسب سمكه وحجمه وشكله من امرأة لأخرى، طبعاً بس المرأة عم بتكون بتداعب حالها، عم بتمارس مثلاً الاستمتاع الذاتي الخارجي ما عم بتكون تطقر الغشاء.

اذا دخلت إصبعها عادة ما بتمدد الغشاء، بس إذا كثير ضغطت وكانت عم بتمارس الاستمتاع الذاتي بقوة ربما تمدد الغشاء، اذا استعملت غرض كبير وهي عم بتمارس الاستمتاع الذاتي كمان فيها تمدد الغشاء.

أوقات بتستعمل المرأة القطن أثناء العادة الشهرية بتدخل في المهبل، هذا الشيء كمان فيه يمدد الغشاء، وفي بعض الرياضة فيها تسبب تمدد الغشاء وفي بعض الحوادث فيها تسبب تمدد الغشاء.

الجنس الشرجي ما بمدد الغشاء وكذلك الخارجي والمداعبات ومشاهدة الحبيب كمان ما بمدد الغشاء، وأهم شيء الصراحة مع الشريك.

شكراً

Comments

أهلاً بك، نعم يمكن أن يتمزق غشاء البكارة دون حدوث النزيف، أو قد تكون كمية الدم قليلة بحيث لا يمكن ملاحظتها خاصة مع اختلاطها بالإفرازات المهبلية الناتجة عن حدوث الاستثارة الجنسية، أو قد يكون الغشاء من النوع المطاطي الذي لا يتمزق بالإيلاج.

 

تحياتنا

Add new comment

Comment

  • Allowed HTML tags: <a href hreflang>
  • Lines and paragraphs break automatically.